Dunyodagi eng baland suvli tepalikda halok bo‘lgan bola o‘limining sababi aniqlandi

Dunyodagi eng baland suvli tepalikdan sirpanish chog‘ida halok bo‘lgan Amerika kongressmenining o‘g‘li o‘limiga bo‘yin shikastlanishi sabab bo‘lgan. Bu haqda The Kansas City Star ma’lum qilmoqda .

Foto: “Schlitterbahn.com”

Huquqni muhofaza qilish organi xodimlarida ushbu hodisa bilan bog‘liq ko‘plab savollar ochiq qolmoqda. Bola bilan qayiqda unga notanish bo‘lgan ikki ayol ham bo‘lgan. Ularning yuziga yengil shikast yetgan va shifoxonaga joylashtirilgan.
Kanzas shtatining kongressmeni Skott Shvabning o‘g‘li Kaleb Tomas 7-avgust, yakshanba kuni Kanzas-sitida Shlitterban akvaparkidagi suvli tepalikdan sirpanish davomida halok bo‘lgan edi. Hodisadan so‘ng akvapark tashrif buyuruvchilar uchun vaqtincha yopildi.
Fojia Verrückt (nemis tilidan tarjima qilganda “aqldan ozgan”) nomli suvli tepalikda yuz bergan. U Ginnesning Rekordlar kitobiga shu turdagi eng baland attraksion sifatida kiritilgan. 50 metrga yaqin balandlikka ega bo‘lgan ushbu tepalikdan pastga tushish tezligi soatiga 100 kilometrdan oshadi.
Batafsil | Подробно | Read more... Daryo