Obama chaqaloqni 101 yoshi bilan tabrikladi

AQSh prezidenti ma’muriyati bir yashar Benjamin Shostedni tug‘ilgan kuni bilan tabrikladi, biroq bolaning yoshini “biroz” adashtirib yubordi, deb yozadi “RIA Novosti”.

Foto: AP

“Aziz Benjamin, seni 101 yoshing bilan tabriklaymiz!” — deyiladi Oq uyning Barak va Mishel Obama tomonidan imzolangan rasmiy blankasiga tushirilgan maktubda.
Maktubda ta’kidlanishicha, Benjamin “Amerika tarixining ajralmas qismi” va “mamlakat birgalikdagi intilishlar orqali erishishi mumkin bo‘lgan eng yaxshi marralar guvohi” hisoblanadi.
Yuta shtatida yashovchi er-xotin Shostedlar an’anaviy ravishda Oq uydan farzandlarini tug‘ilgan kuni bilan tabriklashni so‘raydi. Ularning aytishicha, bunday tabriknomani birinchi marta olishgan, biroq uni yaxshi bashorat deb qabul qilishgan. Er-xotinlar Oq uydagilar chaqaloqning tabriknomasini keksa yoshdagi kishiniki bilan adashtirib yuborganini taxmin qildi.
Batafsil | Подробно | Read more... Daryo