AQSh josus samolyoti ikki kun mobaynida ikkinchi bor Rossiya chegarasiga yaqinlashgani qayd etildi

AQShning raqib havo hujumidan mudofaa tizimlari radiolokatsiya nurlanishini aniqlash va bartaraf etishga mo‘ljallangan RC-135U strategik josus samolyoti 9-avgust, seshanba kuni ertalab yana Rossiyaning Boltiqdagi chegaralariga yaqinlashdi. Bu haqda “Interfaks” xabar bermoqda .

Foto: AP

Harbiy aviatsiya harakatini kuzatib boradigan G‘arb saytlariga ko‘ra, AQSh tomonidan o‘tgan haftada Buyuk Britaniyadagi “Mildenxoll” aviabazasiga yetkazilgan josus samolyot Kaliningrad viloyati chegarasiga Boltiq dengizi tomonidan 10,2 ming metr balandlikda yaqinlashdi. O‘z navbatida, Kaliningraddan Rossiyaning Su-27 qiruvchi samolyoti ko‘kka ko‘tarilgani qayd etilgan.
Bu RC-135U samolyotining 8-avgust, dushanbadan beri ikkinchi marotaba Rossiya chegarasiga yaqinlashishi. Kuni kecha mazkur havo kemasi Kaliningrad viloyati chegarasi atrofida uzoq vaqt aylangani kuzatilgan. 
Batafsil | Подробно | Read more... Daryo