O‘zbekistonning ikkinchi yoshlar termasi CAFA Cup’ning 3-o‘rin uchun bahsida Tojikistonga mag‘lub bo‘ldi, birinchi yoshlar termasi 9-avgust kuni finalda Qirg‘izistonga qarshi o‘ynaydi

Toshkent shahrida tashkil etilgan Markaziy Osiyo futbol assotsiatsiasi kubogi (CAFA Cup) musobaqasi yakuniy bosqichga kirdi. O‘zbekiston futbol federatsiyasi matbuot xizmati xabariga ko‘ra , 9-avgust kuni dastlab 3-o‘rin uchun bahs bo‘lib o‘tdi.

Foto: O‘FF matbuot xizmati

Unda O‘zbekiston yoshlar terma jamoasining ikkinchi tarkibi Tojikistonga qarshi maydonga tushdi va uchrashuvning asosiy vaqtida 1:1 hisobida durang qayd etildi (o‘zbekistonliklarning goliga 66-daqiqada Javohir Esonqulov mualliflik qildi). O‘yindan keyingi penaltilar seriyasida omad Tojikistonga kulib boqdi — 7:6.
9-avgust, seshanba kuni Toshkent vaqti bilan 18:00 da CAFA Cup’ning final uchrashuvi bo‘lib o‘tadi. Toshkentdagi “Jar” stadionida o‘tkaziladigan bahsda O‘zbekiston yoshlar terma jamoasining birinchi tarkibi Qirg‘izistonga qarshi maydonga chiqadi.
Ma’lumot uchun, ilk bor tashkil etilgan va 6-avgust kuni start olgan CAFA Cup’da O‘zbekistonning birinchi va ikkinchi yoshlar terma jamoalaridan tashqari Afg‘oniston, Tojikiston, Turkmaniston va Qirg‘iziston yoshlar terma jamoalari ham qatnashdi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo