OAV: Janubiy Sudanda prezident va vitse-prezident tarafdorlari o‘rtasidagi janglar qayta boshlandi

Janubiy Sudanda prezident va sobiq vitse-prezident tarafdorlari o‘rtasidagi janglar qayta boshlandi, deya xabar bermoqda “TASS”.

Foto: AP

AFP agentligi mahalliy hukumatga tayanib ma’lum qilishicha, davlat rahbari Salva Kiirga sodiq milliy armiya qismlari va uning sobiq o‘rinbosari Riyek Mashar tarafdorlari o‘rtasidagi qurolli harakatlar mamlakat janubi-g‘arbida, Uganda va Kongo Demokratik Respublikasi bilan chegaralar yaqinida bo‘lib o‘tmoqda.
Janubiy Sudandagi bundan avvalgi janglar 8—11-iyul kunlari bo‘lib o‘tib, kamida 300 kishining umriga zomin bo‘ldi, 60 ming kishi o‘z uylarini tark etishga majbur bo‘ldi.
2013-yil dekabrida Salva Kiir tomonidan qo‘zg‘olonchilarning sobiq yetakchisi, o‘zining o‘rinbosari Riyek Masharning lavozimidan bo‘shatishi Janubiy Sudanda mojaroning kelib chiqishiga sabab bo‘ldi. 2015-yilning avgust oyida Kiir va Mashar tinchlik kelishuvini imzoladi. Shu yilning yanvar oyidan boshlab ular milliy birlik o‘tish hukumati tuzishga kelishib oldi. 28-aprel kuni prezident hukumatning yangi tarkibini e’lon qildi. 8-iyul kuni esa mamlakat prezidenti Salva Kiir tarafdorlari va Riyek Masharni qo‘llab-quvvatlovchi sobiq isyonchilar o‘rtasida tartibsizliklar  kelib chiqdi .
Batafsil | Подробно | Read more... Daryo