Qamchiqda Spark avtomobilining jarlikka qulashi oqibatida bir kishi halok bo‘ldi

“Toshkent—O‘sh” avtomobil yo‘lidagi Qamchiq dovonining 229 (152) kilometrida “Vodiy—Toshkent” yo‘nalishida harakatlanayotgan Spark rusumli avtomashina haydovchisi 7-avgust, yakshanba kuni yo‘lning bir tomonlama qatnov qismida boshqaruvni yo‘qotib, beton to‘siqqa urildi va yo‘l chetiga – jarlikka ag‘anadi. Bu haqda O‘zbekiston Respublikasi favqulodda vaziyatlar vazirligi matbuot xizmati ma’lum qildi . 

Foto: “Anhor.uz”

Qamchiq qidiruv-qutqaruv maxsus boshqarmasining 7 kishidan iborat shaxsiy tarkibi zudlik bilan voqea sodir bo‘lgan joyga yetib bordi. Yo‘l-transport xodisasi oqibatida avtomashinadagi yo‘lovchilardan biri — Namangan viloyatining Pop tumanida tug‘ilgan Maftuna Abdurahimova (1991-yil) voqea joyida olamdan o‘tdi, haydovchi va uch nafar yo‘lovchi turli darajada tan jarohati oldi. 
Jabrlanganlarga birinchi tibbiy yordam ko‘rsatildi va ularning hayoti saqlab qolindi.
Batafsil | Подробно | Read more... Daryo