BMT Putin va Erdo‘g‘onning uchrashuvini yaxshi alomat deb atadi

BMT Rossiya va Turkiya o‘rtasidagi aloqalar normallashuvini ma’qullaydi va ikki mamlakat yetakchilari uchrashuvini yaxshi alomat deb hisoblaydi. Bu haqda tashkilot bosh kotibi rasmiy vakili o‘rinbosari Farxan Xak Sankt-Peterburgda bo‘lib o‘tgan Rossiya va Turkiya prezidentlari muzokaralarini izohlar ekan, aytib o‘tdi, deb yozadi “TASS”.

Foto: “Profi-news.ru”

“Menda alohida izohlar yo‘q, biroq mamlakatlar va ularning yetakchilari kelishmovchiliklarni samaradorlik bilan hal qilishi — yaxshi alomat. Bu ma’qullanadi”, — dedi Xak.
Shu bilan birga, u Moskva va Anqara o‘rtasidagi aloqalarning iliqlashishi Suriyadagi nizolarni tartibga solish istiqbollariga qanday ta’sir qilishi borasida fikr bildirishdan bosh tortdi.
O‘tgan yili keskinlashgan Turkiya-Rossiya munosabatlari oxirgi paytlarda yana iliqlashib bormoqda. Jumladan, 9-avgust kuni Erdo‘g‘on Sankt-Peterburgga tashrif buyurib, Vladimir Putin bilan uchrashdi. Keyinroq Putin ushbu uchrashuvni konstruktiv deb baholadi . Erdo‘g‘onning vakili esa Turkiyaning Rossiya bilan iliq munosabatlarining tiklanishi uning NATO bilan muloqotni davom ettirishiga to‘sqinlik qilmasligini aytdi .
Batafsil | Подробно | Read more... Daryo