O‘zbekistonda bugungi kunga qadar 180 madaniyat va aholi dam olish markazi tubdan ta’mirlandi

O‘zbekiston Respublikasi madaniyat va sport ishlari vaziri Bahodir Ahmedov O‘zA axborot agentligiga bergan intervyusida bugungi kunga qadar mamlakatda 180 madaniyat va aholi dam olish markazi tubdan ta’mirlanib, zamonaviy talablar asosida jihozlanganini aytib o‘tdi .

Foto: Xalq ijodiyoti boshqarmasi

“O‘zbekiston Respublikasi Vazirlar Mahkamasining 2013-yil 25-iyundagi ‘2013–2018-yillarda zamonaviy madaniyat va aholi dam olish markazlarini tashkil etish chora-tadbirlari to‘g‘risida’gi qarorga muvofiq, 2018-yilgacha mamlakatimizdagi madaniyat uylari va klublar negizida mingga yaqin madaniyat va aholi dam olish markazi tashkil etilib, moddiy-texnik bazasi to‘liq yangilanadi va zamonaviy qiyofa kasb etadi. Ularning faoliyat ko‘lami yanada kengayib, xizmat turlari ko‘payadi.
Bugungi kunga qadar 180 madaniyat va aholi dam olish markazi tubdan ta’mirlanib, zamonaviy talablar asosida jihozlandi. Ushbu markazlarda ko‘plab badiiy havaskorlik jamoalari va to‘garaklar tashkil qilinib, muntazam ravishda foto va amaliy san’at ko‘rgazmalari, tanlovlar, xalq ijodiyoti va tomosha san’ati festivallari o‘tkazilmoqda. Shu bilan birga, hududiy manzilli dasturlar asosida yangi madaniyat va istirohat bog‘lari tashkil etilib, mavjudlari rekonstruksiya qilinmoqda, zamonaviy attraksionlar bilan jihozlanmoqda”, – dedi Bahodir Ahmedov.
Batafsil | Подробно | Read more... Daryo