O‘zbekiston futzal terma jamoasi Kolumbiyaga ketish yo‘lida Ispaniya va Portugaliya bilan o‘ynaydigan bo‘ldi

Qozog‘iston va Tojikiston terma jamoalariga qarshi umumiy 5 ta o‘rtoqlik o‘yinida maydonga tushgan O‘zbekiston futzal terma jamoasining navbatdagi raqiblari hal bo‘ldi. Bu haqda mamlakat futzal assotsiatsiyasi rasmiy sayti xabar berdi .

Foto: O‘FA

Avgust oyi yakuniga qadar Xose Mariya Mendez shogirdlari Osiyo Chempioni Eron va JCh—2016 ishtirokchisi Ozarbayjon terma jamoalariga qarshi o‘rtoqlik o‘yinlarida ishtirok etadi.
1—2-sentabr kunlari O‘zbekiston terma jamoasi mos ravishda Portugaliya va Ispaniya termalariga qarshi o‘yinlarda ham zalga chiqadi. Har ikki bellashuvga Portugaliyaning Portu shahri mezbonlik qiladi va o‘yinlardan keyin Mendez jamoasi Kolumbiyaga — JCh—2016 da ishtirok etish uchun uchib ketadi.
Portugaliya terma jamoasi JCh—2016 da O‘zbekiston bilan bir guruhdan joy olgan. Bu termalarga Panama va Kolumbiyaga ham raqiblik qiladi. Ispaniya esa Yevropaning amaldagi chempioni sifatida mundialda ishtirok etadi.
Batafsil | Подробно | Read more... Daryo