O‘zbekiston milliy terma jamoasi FIFA reytingida bir o‘rin yuqorilab, Osiyoda to‘rtinchi bo‘lib oldi

Futbol bo‘yicha O‘zbekiston milliy terma jamoasi FIFA reytingida bir pog‘ona yuqoriladi, deb xabar berdi O‘zbekiston Futbol Federatsiyasi rasmiy sayti.

Foto: O‘FF matbuot xizmati

O‘tgan oyni 56-o‘rinda yakunlagan O‘zbekiston, endilikda dunyo termalari orasida 55-pog‘onada qayd etilgan. Bu Osiyo mamlakatlari orasida Eron, Janubiy Koreya va Yaponiyadan keyingi to‘rtinchi ko‘rsatkich.
JCh—2018 saralashida O‘zbekistonga raqiblik qilishi kerak bo‘lgan mamlakatlardan Xitoy 445 ochko bilan OFK davlatlari reytingida 8-o‘rinda, jahon reytingida — 78, Qatar OFK mamlakatlari reytingida — 10, dunyo reytinida — 80, Suriya OFKda — 12, umumiy reytingda — 105-o‘rinda qayd etilgan.

Foto: O‘FF matbuot xizmati

Jahon reytingini Argentina terma jamoasi 1585 ochko to‘plagan holda boshqarib bormoqda. Belgiya (1401), Kolumbiya (1331) termalari keyingi ikki o‘rinda. Amaldagi jahon chempioni Germaniya 1319 ochko to‘plab, reytingning to‘rtinchi o‘rnini band etgan.
Batafsil | Подробно | Read more... Daryo