XOQ braziliyalik volontyorlar vazifalarini bajarishdan bo‘yin tovlamasliklariga harakat qilmoqda

Xalqaro olimpiya qo‘mitasi (XOQ) braziliyalik volontyorlar Rio Olimpiadasida o‘z vazifalarini bajarishdan bo‘yin tovlamasliklari ustida ish olib bormoqda. Bu haqda qo‘mitaning kommunikatsiyalar bo‘yicha direktori Mark Adams ma’lum qildi, deya xabar beradi “TASS”.

Foto: AP

Brifing chog‘ida jurnalistlar Adamsga nega braziliyalik volontyorlar liboslarini olganlaridan so‘ng o‘zlarining vazifalarini bajarishni to‘xtatib qo‘yishi va tashkiliy qo‘mitaga yordam berish o‘rniga musobaqalarga bepul kirishga harakat qilishi haqida savol berdi.
“Volontyorlar katta ishni bajaryapti, biz xuddi ular kabi har bir Olimpiadadan yangi saboqlarni olib kelyapmiz. Ular bilan hamkorlikda ishlash, tegishli ko‘rsatmalar berish, kerakli yordam ko‘rsatishlariga e’tibor qaratishlariga harakat qilyapmiz”, — deya ta’kidladi Adams.
Ma’lumot uchun, Rio Olimpiadasida jami 70 ming volontyor ishlamoqda. Ulardan 80 foizi braziliyalik, qolgani esa xorijliklar.
Batafsil | Подробно | Read more... Daryo