Bollivud yulduzi Shohrux Xon AQSh aeroportida pokemon tutayotganida qo‘lga olindi

Hindistonlik mashhur aktyor Shohrux Xon kecha 11-avgust kuni kechqurun Los-Anjeles aeroportida qo‘lga olindi va pokemonlarni tutayotgani uchun immigratsiya xizmati xodimlari tomonidan so‘roq qilindi, deb xabar bermoqda  “TASS”.

Foto: EPA

“Dunyoda qabul qilingan xavfsizlik choralarini tushunaman va butunlay hurmat qilaman. Lekin har safar AQSh immigratsiya xizmati tomonidan qo‘lga olinish meni charchatdi”, – deya yozdi taniqlik aktyor Twitter’dagi sahifasiga.
Shohrux Xonning so‘zlariga ko‘ra, vaqtni o‘tkazish maqsadida u mashhur o‘yin – Pokemon Go’ni o‘ynagan. Ammo hind kinosi bilan tanish bo‘lmagan aeroport xodimlari Shohrux Xonning xatti-harakatidan gumonlangan va huquq-tartibot xizmati vakillariga murojaat qilgan. Shundan so‘ng Shohrux Xon qo‘lga olinib, so‘roq qilindi.
Bu Shohrux Xonning AQSh aeroportida birinchi qo‘lga olinishi emas. 2012-yilda hindistonlik aktyor boshqa taniqli hamkasblari bilan talabalar oldida chiqish qilish uchun Nyu-York shahriga uchib kelganida amerikalik huquq-tartibot xodimlariga tushuntirish ishlarini olib borgan. O‘shanda aktyor qariyb ikki soat davomida so‘roq qilingandi.
Batafsil | Подробно | Read more... Daryo