Buxoro viloyatining Jongeldi qishlog‘ida 11-avgust kuni havo harorati +42 darajagacha ko‘tarildi

O‘zbekiston viloyat markazlari va yirik shaharlari orasida 11-avgust, payshanba kuni eng salqin havo Samarqand shahrida qayd etildi. “O‘zgidromet” ma’lumotiga ko‘ra ( pdf ), Samarqand viloyati ma’muriy markazida shu kuni maksimal havo harorati +36 darajani tashkil etgan.

Foto: “Life-with-dream.org”

11-avgust kuni kunduzi Jizzax shahrida eng yuqori havo harorati +37 darajani, Urganch, Navoiy, Andijon, Namangan, Farg‘ona shaharlarida +38 darajani, Nukus, Buxoro, Guliston, Qarshi, Toshkent shaharlarida +39 darajani, Termiz shahrida esa +40 darajani tashkil etgan.
Mamlakatdagi eng salqin havo, odatdagidek, tog‘li hududlarda qayd etilgan. Qamchiq dovonida havo harorati +26 darajadan, Chimyon yon-bag‘irlarida esa +30 darajadan oshmagan. Shahar va shaharchalar orasida eng salqin havo Angrenda (Toshkent viloyati, +35 daraja) kuzatilgan.
“O‘zgidromet” ma’lumotlariga ko‘ra, Buxoro viloyatining Jongeldi qishlog‘i 11-avgust kuni O‘zbekistonning eng issiq nuqtasiga aylangan — shu kuni bu yerda havo harorati +42 darajagacha ko‘tarilgan.


Toshkent, Andijon, Namangan, Farg‘ona viloyatlarida 13-avgust kuni yog‘ingarchilik va kuchli shamol kuzatiladi


Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo