Rossiyalik yengil atletikachi Yelena Isinbayeva 19-avgust kuni sportchilik faoliyatini yakunlaganini e’lon qiladi

Balandlikka sakrash bo‘yicha ikki karra Olimpiada chempioni Yelena Isinbayeva 19-avgust kuni Rio-de-Janeyroda sportchilik faoliyati yakunlanishiga bag‘ishlangan maxsus matbuot anjumani o‘tkazadi. Bu haqda “TASS” xabar bermoqda .

Foto: “TASS”

Mashhur yengil atletikachining matbuot anjumani Toshkent vaqti bilan 21:00 da Olimpiada o‘yinlari bosh matbuot markazida o‘tkaziladi.
“Yelena Isinbayevaning matbuot anjumani uchun 700 kishilik zal ijaraga olingan, tadbir 9 tilga tarjima qilinadi. Matbuot anjumani uning sportchilik faoliyati yakunlanishiga bag‘ishlanadi”, — deydi vaziyatdan xabardor manba.
Ma’lumot uchun, Isinbayeva 1982-yili Rossiyaning Volgograd shahrida tug‘ilgan. 2004- va 2008-yilgi Olimpiada o‘yinlarida oltin, 2012-yili esa bronza medalini qo‘dga kiritgan.
Jami 22 ta jahon rekordini o‘rnatgan bu sportchi Rossiya yengil atletika federetsiyasi musobaqalardan diskvalifikatsiya etilgani tufayli, boshqa rossiyalik atletlar qatorida, Rio Olipiadasida ishtirok eta olmadi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo