Disk uloqtirish bo‘yicha germaniyalik chempion chiroqni oyog‘i bilan yoqishga urinib, o‘ziga shikast yetkazdi

Germaniyalik disk uloqtiruvchi va uch karra jahon chempioni Robert Xarting Rio-de-Janeyrodagi mehmonxonada o‘z-o‘ziga shikast yetkazdi. Shu bois u 12-avgust, juma kuni muvaffaqiyatsiz chiqish qildi. Bu haqda, Deutsche Welle nashri ma’lumotiga tayanib, TJournal xabar bermoqda .

Foto: Die Welt

12-avgust kuni Xarting yomg‘irli ob-havo sharoitida diskni bor-yo‘g‘i 62,21 mertga uloqtirdi. To‘g‘ridan-to‘g‘ri finalga o‘tish uchun bu ko‘rsatkich 65,5 metrni tashkil etishi lozim edi. Xarting 42 santimetrga ortda qolib, 12 nafar finalistlar qatoridan joy olmadi va Germaniyaning yana bir oltin medal olish umidini yo‘qqa chiqardi.
Muvaffaqiyatsiz chiqishdan so‘ng Germaniyaning ARD telekanaliga intervyu bergan Xarting yomon ko‘rsatkichga uning belidagi og‘riq sabab bo‘lganligini ma’lum qilgan. U mehmonxonada chiroqni oyog‘i bilan yoqishga uringanida beliga shikast yetgan.
Batafsil | Подробно | Read more... Daryo