Politsiya Tailanddagi hujumlarni bir kishi tashkil etganini aytmoqda

Tailand janubida to‘rt kishining o‘limiga va o‘nlab insonlarning jarohatlanishiga sabab bo‘lgan portlash va diversiyalar bir kishi tomonidan tashkillashtirilgan. Bu haqda 14-avgust kuni politsiya rahbari o‘rinbosari Pongsapat Pangcharoyen bayonot berdi, deb ma’lum qiladi “Korrespondent.net”.

Foto: Reuters

“Hujum bir guruh shaxslar tomonidan bir paytning o‘zida mamlakatning turli hududlarida sodir etilgan. Ularning bari bir kishidan ko‘rsatma olgan”, — uning so‘zlarini keltiradi Reuters.
Ammo politsiya vakili jinoiy guruh tarkibiga kimlar kirgani va ularning xatti-harakatlarini kim muvofiqlashtirib borganiga oydinlik kiritmagan.
Shu bilan birga, Tailand politsiyasi doimiy ravishda gap terror emas, “lokal sabotaj” haqida ketayotganini qayd etib kelmoqda.
“Bizda, Tailandda, terrorchilik yo‘q”, — deyiladi politsiya matbuot xizmati bayonotida.
Eslatib o‘tamiz, Tailandning olti provinsiyasida 14 portlash ro‘y berdi ( 1 , 2 ). Jumladan, Pxuket, Xuaxin singari yirik kurortlar, shuningdek, Trang, Surattxani, Pxangnga, Chumpxon provinsiyalari nishon ostiga olindi. Krabi va Nakxonsitxammarat provinsiyalarida o‘t qo‘yish bilan bog‘liq voqealar kuzatildi. To‘rt kishi halok bo‘ldi, 35 kishi jarohat oldi.
Muqaddam politsiya hujumlar ortida yangi konstitutsiya loyihasi bo‘yicha o‘tkazilgan referendum yakunlaridan norozi siyosiy kuchlar turganini ma’lum qilgan edi .
Batafsil | Подробно | Read more... Daryo