Olimpiada chempioni Hasanboy Do‘stmatov: Bu onlarni 30 millionli xalq kutgan edi

Rio—2016 Olimpiadasida O‘zbekiston uchun ilk oltin medalni qo‘lga kiritgan bokschi Hasanboy Do‘stmatov mamlakat xalqi mazkur chempionlikni kutganini aytib o‘tdi. Bu haqda u Xalqaro boks assotsiatsiyasi (AIBA)ning rasmiy saytiga bergan intervyusida aytib o‘tdi .

Foto: MOQ matbuot xizmati / Anvar Ilyosov surati

“Hozirgi hissiyotlarimni so‘z bilan ifodalash qiyin, biroq men benihoya baxtiyorman”, — dedi Hasanboy Do‘stmatov chempionlik jangidan so‘ng bergan ilk intervyusida.


Hasanboy Do‘stmatov Rio—2016 oltin medallariga ega chiqdi. O‘zbekiston uchun birinchi oltin muborak bo‘lsin!


“Avvalo, o‘z Vatanimga mehr-muhabbatimni izhor qilmoqchiman, chunki, yarim tun bo‘lishiga qaramay, meni oilam, Prezident va butun mamlakat kuzatib turganini bilaman. 30 millionli xalq bu onlarni kutgan edi”, — dedi Do‘stmatov.


Rio–2016 Olimpiadasida O‘zbekistonga oltin medalni olib kelgan Hasanboy Do‘stmatovning final jangidan fotoreportaj


“Oilam men uchun xursand bo‘ladi, chempionlikdan so‘ng juda hayajondaman. Mazkur Olimpiya o‘yinlari uchun Rioga minnatdorchilik bildiraman”, — deya qo‘shimcha qildi Hasanboy Do‘stmatov.


“Hasanboyning g‘alabasidan so‘ng butun mahalla ko‘chada”. Olimpiada chempioni Do‘stmatovning xonadonidan 15-avgustga o‘tar kechasi tayyorlangan fotoreportaj


Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo