Hindistonda Mustaqillik kuni nishonlanmoqda

Hindistondagi asosiy milliy bayramlardan biri — Mustaqillik kuni 15-avgust, dushanba kuni Nyu-Delida misli ko‘rilmagan darajada kuchaytirilgan xavfsizlik choralari sharoitida nishonlanmoqda, deb yozadi “TASS”.

Foto: EPA

Maxsus xizmatlardan ehtimoliy terrorchilik hujumlari haqida ogohlantirishlar olgan ichki ishlar vazirligi xabariga ko‘ra, Nyu-Deli ko‘chalarida 50 mingdan ortiq patrul xizmatchilari navbatchilik qilmoqda.
Alohida e’tibor Qizil qal’a (XVII asr me’moriy yodgorligi)ga qaratilgan, asosiy tantanalar uning yaqinida bo‘lib o‘tmoqda. 70 yil avval respublikaning birinchi bosh vaziri Javoharlal Neru tomonidan boshlab berilgan an’anaga ko‘ra, tarixiy qal’a tepasida bayroq ko‘tarilgach, respublika hukumati rahbari faxriy qorovul yonidan o‘tib, xalqqa murojaat bilan chiqish qiladi.
Ushbu hudud atrofida xavfsizlik xizmatlarining 15 ming xodimidan iborat sakkizta qurshov doirasi hosil qilindi, 500 dan ziyod kuzatuv kameralari o‘rnatildi. Baland binolarga snayper “uyalari” va raketaga qarshi mudofaa tizimlari o‘rnatildi.
Eslatib o‘tamiz, avvalroq Hindiston shimolidagi Srinagar shahrida armiya blokpostiga jangarilar hujum qilgan , oqibatda kamida to‘rt nafar harbiy xizmatchi yaralangan edi. Terrorchilar shu tariqa Hindistonda nishonlanayotgan Mustaqillik kuni davlat bayrami tantanalarini buzmoqchi bo‘lgani taxmin qilindi.
Batafsil | Подробно | Read more... Daryo