Latviyada NATO generallarining “Mustahkam cho‘qqi — 2015” mashg‘uloti boshlandi

Latviya poytaxti Rigadagi mudofaa milliy akademiyasida NATO qo‘mondonlik tarkibi vakillarining “Mustahkam cho‘qqi — 2015” mashg‘uloti boshlandi. Ularda tuzilmaga a’zo 13 mamlakat, shuningdek, Finlyandiya va Shvetsiyadan kelgan 24 nafar brigada general, general-mayor va general-leytenant qatnashmoqda. Bu haqda “TASS” xabar berdi .

Foto: “Rambler.ru”

“Asosiy maqsad — harbiy amaliyotlar chog‘ida qarorlar qabul qilish jarayonini takomillashtirish. Mashg‘ulotlar NATOning Bryusseldan kelgan ekspertlari ma’ruzalarini tinglash va xaritalar bilan amaliy ishlash tarzida olib borilmoqda”, — deya ta’kidlagan Latviya mudofaa vazirligi vakili Anete Gneze. Mashg‘ulotlar 25-sentabrgacha davom etadi.
Latviyadagi Adaji harbiy bazasida NATO quruqlikdagi qo‘shinlarining “Kumush o‘q” deb nomlangan harbiy mashqlari ham o‘tkazilmoqda. Ularda AQSh, Daniya, Kanada, Buyuk Britaniya va Germaniyadan kelgan 2100 nafar askar ishtirok etmoqda.
Batafsil | Подробно | Read more... Daryo