Islamdjan Ergashxodjayev Toshkent viloyati hokimi vazifasini bajaruvchi etib tayinlandi

Shu kungacha Toshkent viloyati hokimining birinchi o‘rinbosari lavozimida ishlab kelgan Islamdjan Ergashxodjayev viloyat hokimi vazifasini bajaruvchi etib tayinlandi. Bu haqda O‘zbekiston hukumati portali xabar berdi .

Toshkent viloyati hokimligi. Foto: “Gazeta.uz”

“O‘zbekiston Konstitutsiyasining 93-moddasi 15-bandi va 102-moddasi hamda O‘zbekiston Prezidentining 12-avgustdagi farmoniga muvofiq Islamdjan Ergashxodjayev Toshkent viloyati hokimi vazifasini bajaruvchi etib tayinlandi”, — deyiladi hukumat axborotida.
Ergashxodjayev O‘zbekiston Prezidentining 12-avgustdagi boshqa bir farmoni bilan Toshkent viloyati hokimi lavozimidan ozod etilgan Sodiq Abdullayev o‘rnini egalladi. U 2016-yilning mart oyida aynan Abdullayevning birinchi o‘rinbosari etib tayinlangan edi.
Ma’lumot uchun, Islamdjan Ergashxodjayev 1970-yilda Toshkent viloyati Parkent tumanida tug‘ilgan. 1995-yilda Toshkent davlat yuridik institutini tamomlagan.
Toshkent viloyati hokimining birinchi o‘rinbosari lavozimini egallaguniga qadar u Toshkent viloyati Piskent tumani hokimi bo‘lib ishlagan, 2011-yilda Toshkent viloyati Ohangaron tumani prokurori, 2009—2011-yillarda Ohangaron shahar prokurori lavozimida faoliyat yuritgan.
Batafsil | Подробно | Read more... Daryo