Ozarbayjonda nigeriyalik futbolchi mashg‘ulotlar vaqtida olamdan o‘tdi

Ozarbayjonning “Zagatala” klubi hujumchisi, nigeriyalik Maykl Umaynika jamoa mashg‘ulotlarida hayotdan ko‘z yumdi. Bu haqda APA nashri xabar bermoqda .

Foto: Reuters

Klub prezidenti Musa Gurbanov futbolchining vafot etganini tasdiqladi. Uning so‘zlariga ko‘ra, hodisa 15-avgust kuni ro‘y berdi.
“Maykl o‘tgan mavsumda bizning jamoa safida to‘p surgan. Nima deyishni ham bilmayman. O‘tgan yili u klubning tibbiy ko‘rigidan muvaffaqiyatli o‘tgandi. Jamoaga u bir necha kun avval kelib qo‘shildi a mashg‘ulotlarda jon berdi. Hozir men Bokudaman, ertaga Zagatalaga qaytaman“, – dedi Gurbanov.
Zagatala viloyatining markaziy shifoxonasining ma’lum qilishicha, futbolchi, dastlabki taxminlarga ko‘ra, tromb uzilishi oqibatida halok bo‘lgan. Marhumning jasadi sud tibbiy ekspertizasiga jo‘natildi. Hodisa yuzasidan surishtiruv ishlari olib borilmoqda.
“Zagatala” klubi Ozarbayjon chempionatining ikkinchi divizionida ishtirok etadi. O‘tgan mavsumda jamoa oltinchi o‘rinni egallagandi.
Batafsil | Подробно | Read more... Daryo