Nemis og‘ir atletikachilari O‘zbekiston va yana yetti mamlakatni Olimpiadadan chetlatish kerakligini aytdi

Og‘ir atletika bo‘yicha Germaniya terma jamoasi vakillari ularning Rio—2016 Olimpiadasidagi raqiblari dopingdan foydalanayotganini qayd etgan. Bu haqda “Chempionat” Germaniyaning Die Welt nashriga asoslanib xabar berdi .

Foto: Wrestlingua.com

Nemis og‘ir atletikachisi Almir Veladjich musobaqani yoqimsiz deb atab, bir qator yosh sportchilar uni rekord darajadagi og‘irliklar bilan boshlayotgani haqida fikr bildirgan.
Bunda sportchi qozog‘istonlik Niyat Rahimovga alohida e’tibor qaratib, uning doping uchun diskvalifikatsiyadan keyin avvalgidan 40 kilogramm og‘irroq toshga buyurtma berganini qayd etgan. Nemis atleti, shuningdek, Ukraina, Gruziya va Berarus terma jamoalariga ham e’tibor qaratgan.
Terma jamoa bosh murabbiyi Oliver Kardozo esa Qozog‘iston, Belarus, O‘zbekiston, Armaniston, Moldaviya, Ruminiya, Ukraina kabi mamlakat sportchilari dopingdan muntazam foydalanishi haqida aytib, ularni musobaqadan chetlashtirish kerakligi borasida fikr bildirgan.
29-iyul kuni Og‘ir Atletika Xalqaro Federatsiyasi Rossiya terma jamoasini yozgi Olimpiada o‘yinlaridan chetlashtirgandi.
Batafsil | Подробно | Read more... Daryo