Putin Nazarboyevga Turkiya bilan munosabatlarni tiklashga yordam bergani uchun minnatdorlik bildirdi

Rossiya prezidenti Vladimir Putin qozog‘istonlik hamkasbi Nursulton Nazarboyevga Turkiya bilan munosabatlarni tiklashga yordam bergani uchun minnatdorlik bildirdi. Bu haqda “RBK” xabar bermoqda .

Foto: “TASS”

“Siz Rossiya-Turkiya munosabatlarining tiklanishi haqida gapirdingiz. Shu munosabat bilan siz amalga oshirgan sa’y-harakatlar uchun minnatdorlik bildiraman. Vositachilik missiyangizni nazarda tutyapman. Ko‘rib turibmizki, u muvaffaqiyatli yakunlandi”, — dedi Putin Nazarboyev bilan Sochida o‘tkazilgan uchrashuvda.
“Bugun Turkiya va Rossiya o‘rtasidagi munosabatlar tiklanayotganidan xursandman”, — deb javob berdi Nazarboyev.
Rossiyaga tegishli Su-24 samolyotining Turkiya qiruvchisi tomonidan urib tushirilishidan so‘ng oralari buzilgan Anqara va Moskvaning munosabatlari sovuqlashib ketdi. Ammo oxirgi oylarda munosabatlar qayta tiklanib, 11-avgust kuni ikki davlat rahbari Sankt-Peterburgda uchrashuv o‘tkazdi.
Batafsil | Подробно | Read more... Daryo