BMT Afrika va Yaqin Sharq aholisiga yordam berish uchun 50 million dollar ajratdi

BMT Yaman va beshta Afrika mamlakatidagi gumanitar operatsiyalarni moliyalashtirish uchun Favqulodda vaziyatlarga shoshilinch javob ko‘rsatish fondidan qo‘shimcha 50 million dollar ajratdi. Tegishli qarorni BMT bosh kotibining gumanitar masalalar bo‘yicha o‘rinbosari Stiven O’Brayen qabul qildi, deb yozadi “TASS”.

Foto: Flickr

Mablag‘ning katta qismi — 35 million dollarga yaqini qurolli nizolar davom etib, siyosiy beqarorlik, oziq-ovqat inqirozlari va kasalliklar avji hukm surayotgan markaziy Afrikaga yo‘naltiriladi. Pullar Kongo Demokratik Respublikasi, Chad, Markaziy Afrika Respublikasi va Ruanda o‘rtasida taqsimlanadi.
13 million dollar Yamandagi operatsiyalarni faollashtirishga sarflanadi, u yerda 21 milliondan ziyod kishi, ya’ni mamlakat aholisining 80 foizi gumanitar yordamga ehtiyojmanddir. Yana 2 million dollar Eritreyadagi qurg‘oqchilik oqibatlarini bartaraf etish, shuningdek, sog‘liqni saqlash va suv ta’minoti bilan bog‘liq vaziyatni yaxshilashga ishlatiladi.
Batafsil | Подробно | Read more... Daryo