Yamandagi kasalxonaga berilgan aviazarba natijasida halok bo‘lganlar soni 14 kishiga yetdi

15-avgust kuni Yamanning Xadja provinsiyasidagi kasalxonaga berilgan aviazarba oqibatida halok bo‘lganlar soni 14 kishiga yetdi, deb yozadi “TASS” “Chegara bilmas shifokorlar” gumanitar tashkilotiga tayanib.

Foto: “Mynewsonline24.ru”

“O‘tgan tunda Yaman shimoli-g‘arbida ‘Chegara bilmas shifokorlar’ ko‘magida faoliyat yurituvchi kasalxonaga berilgan aviazarbadan so‘ng shifoxonaga yotqizilgan besh bemordan uch nafari vafot etdi, natijada Xadjadagi o‘limlar soni 14 taga yetdi”, — deya ma’lum qildi tashkilot rasmiy vakili.
24 kishi yaralandi, ular turli kasalxonalarda davolanmoqda.
Avvalroq Yamanning “al-Masira” telekanali Saudiya Arabistoni rahbarligidagi koalitsiya kuchlari Yaman shimolidagi Xadja provinsiyasida joylashgan kasalxonaga bergan aviazarba natijasida kamida 25 nafar tinch aholi vakillari halok bo‘lib, yana 20 kishi yaralanganini xabar qilgan edi .
Batafsil | Подробно | Read more... Daryo