Jastin Biber ta’na-dashnomlardan qutulish uchun Instagram’ni tark etdi

Kanadalik xonanda Jastin Biber foydalanuvchilar tomonidan yog‘dirilgan tanqidlardan so‘ng Instagram ijtimoiy tarmog‘idagi profilini yo‘qotib qo‘ya qoldi. Bu haqda “Korrespondent.net” xabar bermoqda .

Foto: Getty Images

Foydalanuvchilarning salbiy izohlariga (ular ko‘pincha ilon shaklidagi emodzi smayllari ko‘rinishida bo‘lgan) Biberning sevgan qizi, 17 yoshli model Sofiya Richi bilan birga tushgan suratlar turkumi sabab bo‘ldi. Muxlislar Richini xonandaga mos emas va ishqiy munosabatlar uchun hali juda yosh deb hisoblamoqda.
Biber bundan darg‘azab bo‘ldi va muxlislardan o‘zi sevgan insonlarga muhabbat bilan yondashishni talab etdi. Bahslarga Biberning sobiq ma’shuqasi, qo‘shiqchi va aktrisa Selena Gomes o‘t qaladi. U Biberga ta’na-dashnomlarni to‘xtatish uchun Sofiya Richi suratlarini joylashtirishni to‘xtatishni maslahat berdi, xonanda esa endi u bilan tortisha ketdi.
Oxir-oqibat Biber Instagram’dagi profilini yopish emas, butkul o‘chirishga qaror qildi.
Batafsil | Подробно | Read more... Daryo