Pentagon Rossiya bombardimonchi samolyotlarining “Hamadon” aerodromidan uchirilishiga izoh berdi

IShID guruhiga qarshi AQSh boshchiligidagi xalqaro koalitsiya Eronning “Hamadon” bazasidan Rossiya bombardimonchi samolyotlarining Suriyadagi marralarga zarba berishi munosabati bilan o‘z rejalarini o‘zgartirmadi. Bu haqda Pentagon vakili polkovnik Kristofer Garver ma’lum qildi, deya xabar bermoqda “Interfaks”.

Foto: “TASS”

“Umuman olganda Rossiya samolyotlarining harakatlari bizning operatsiyalarimizga ta’sir qilmadi va bizga koalitsiya operatsiyalariga ta’sir ko‘rsatmaganligiga ishonch hosil qilish uchun yetarlicha vaqt berdi”, — dedi u.
“Rossiyaliklar parvozlar xavfsizligini ta’minlash bo‘yicha hamjihatlik haqidagi memorandumga muvofiq tarzda koalitsiyani xabardor etdi”, — deya ta’kidladi u.
Avvalroq Rossiya Mudofaa vazirligi mamlakatning Tu-22M3 bombardimonchi samolyotlari Suriyaning Aleppo, Dayr-az-Zor va Idlib viloyatlaridagi IShID va “Jabhat-an-Nusra” guruhlari obyektlariga zarba berganligi haqida ma’lum qilgan edi .
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo