OAV: Londonda Shimoliy Koreyaning yuqori martabali diplomati g‘oyib bo‘ldi

Londonda Shimoliy Koreyaning yuqori martabali diplomati g‘oyib bo‘ldi. Bu haqda The Guardian manbalariga tayanib, “Interfaks” xabar bermoqda . 

Foto: The Guardian

Janubiy Koreya OAVlariga ko‘ra, agar mazkur ma’lumot tasdiqlansa, bu KXDR va Buyuk Britaniya o‘rtasida 13 yil avvval rasmiy diplomatik aloqalar o‘rnatilgandan beri elchixona xodimlari bilan bog‘liq birinchi holat bo‘ladi. 
Diplomat oilasi bilan Londonning g‘arbiy hududidagi KXDR elchixonasida istiqomat qilgan va kunlarning birida xotini hamda bolalari bilan g‘oyib bo‘lgan. Uning uchinchi mamlakatdan boshpana izlayotgan bo‘lishi mumkinligi bildirilmoqda.
Ta’kidlanishicha, diplomat Londonga qochib o‘tgan Shimoliy koreyaliklar ortidan kuzatish topshirilgan elchixonaning besh nafar xodimidan biri edi. Undan tashqari, Buyuk Britaniya tomonidan KXDRda inson huquqlari buzilishi borasidagi tanqidlarni inkor etish ham uning zimmasiga yuklatilgan. 
G‘oyib bo‘lgan diplomat vazir Txe Yen Xo yoki elchixonaning uchinchi kotibi Ryu Gyon-Szyun bo‘lishi mumkinligi taxmin qilinmoqda.
Batafsil | Подробно | Read more... Daryo