McDonald’s Riodagi olimpiya shaharchasida sportchilarning mahsulot buyurtmasi soniga cheklov qo‘ydi

McDonald’s fast-fud restorani Riodagi olimpiya shaharchasida yuzaga kelayotgan navbatni bartaraf qilish maqsadida mahsulot soniga cheklovlar qo‘yib, har bir mijozga 20 tadan ortiq bo‘lmagan porsiya bermoqda, deb xabar qilmoqda TJournal.

Foto: The Washington Post

Olimpiya shaharchasidagi McDonald’s sportchilarga bepul xizmat qiladi va navbat har qanday ob-havoda yuzaga keladi. Guvohlarning so‘zlariga qaraganda, shaharchada istiqomat qiluvchilar ba’zida hosil bo‘lgan navbatlar oldida plyaj voleybolini o‘ynaydi.
Riodagi Olimpiya parkida ham McDonald’s tarmog‘ining boshqa shoxobchalari ham bor, ammo u yerda faqat muzqaymoqning har xil turi sotiladi.
Xabarda qayd etilishicha, olimpiyachilar orasida McDonald’s taomnomasining eng mashhuri — “Bik mak”. Ikkinchi o‘rinda qovurilgan kartoshka bo‘lsa, uchinchi o‘rindan mevali smuzi joy oldi.
Batafsil | Подробно | Read more... Daryo