GM Uzbekistan yana bir bor foydalanuvchilarni Facebook’dagi soxta o‘yinlarga ishonmaslikka chaqirdi

GM Uzbekistan internet foydalanuvchilarini yana bir bor Facebook’dagi yutuqqa avtomobil qo‘yilgan o‘yin va viktorinalar haqiqatga mos kelmasligidan ogohlantirdi. Bu haqda Uz24 xabar bermoqda .

Skrin: Uz24

“Oxirgi vaqtlarda turli ijtimoiy tarmoqlarda GM Uzbekistan AJ ishlab chiqargan avtomobillar yutuqqa qo‘yilgan tanlovlar yoki O‘zbekistonda ishlab chiqarilgan avtomobillar realizatsiyasi bilan bog‘liq boshqa aksiyalar borasidagi haqiqatga mos kelmaydigan xabarlar tarqalishda davom etmoqda”, — deyiladi kompaniyaning rasmiy sahifasida chop etilgan bayonotda.
Kompaniya GM Uzbekistan mahsulotlari hamda o‘tkazilayotgan aksiyalar haqidagi haqqoniy axborot faqatgina rasmiy saytlarda (“UzAutoSanoat.uz”, “Chevrolet.uz”), shuningdek, Facebook’dagi rasmiy sahifada chop etilishini eslatib o‘tdi.
“Ijtimoiy tarmoqlardagi boshqa sahifalarda tarqatiladigan har qanday boshqa xabarlar GM Uzbekistan AJ faoliyatiga aloqador emas. Diqqatli bo‘lishingizni so‘raymiz”, — ta’kidlanadi bayonotda.
Mavzuga oid:

“Captiva’dan umidingizni uzing”: Facebook’da e’lon qilingan Captiva yutuqli tanlov hazil bo‘lib chiqdi

Iyun oyida Facebook’da Chevrolet Captiva, Chevrolet Malibu, Chevrolet Gentra nomli bir qancha sahifalar paydo bo‘lib, ularda foydalanuvchilarga xabarga “layk” bosish va uni o‘z sahifasida ulashish evaziga shu nomdagi mashinalarni yutib olish taklif qilindi.
Bir muddatdan so‘ng bu xabarlar haqiqatga mos kelmasligi ma’lum bo‘ldi, shuningdek, GM Uzbekistan matbuot xizmati kompaniya ushbu tanlovlarga aloqador emasligini e’lon qildi.
Batafsil | Подробно | Read more... Daryo