Боливия президенти қўриқчисига оёқ кийимининг боғичини боғлаб қўйишни буюрди

Боливия президенти Эво Моралес ижтимоий тенглик тамойилини бузишда айбланди, деб хабар беради The Daily Mirror.

Фото: atomic-energy.ru

Давлат раҳбарининг қўриқчиси унинг оёқ кийими боғичини боғлаб қўйганлиги тасвирга олинган видео интернет тармоғида тарқалди. Бу пайтда президент суҳбатдоши билан сўзлашишда давом этган.
«Президент ўзини хаёлига келган ҳар қандай ишни қилиши мумкин бўлган худо, деб ҳисоблайди», — дейди парламент депутати Артуро Мурилё.
Видео Моралеснинг Боливия марказий қисмида жойлашган Кочабамба шаҳридаги спорт марказига ташрифи чоғида тасвирга олинган. Ҳукумат манбаларидан бирида айтилишича, давлат раҳбарига хавфсизлик нуқтаи назаридан эгилиш тақиқланган.

Top News