Filippin prezidenti so‘l radikallar bilan kurashda o‘t ochish to‘xtatilganini e’lon qildi

Filippin prezidenti Rodrigo Duterte so‘l radikal isyonchilar bilan o‘t ochish to‘xtatilganini e’lon qildi, deb yozadi “TASS”. Mamlakat armiyasi bir necha o‘n yillardan buyon ular bilan jang qilib kelayotgan edi.

Foto: Wikipedia

20-avgust, shanba kuni davlat rahbarining tinchlik muzokaralari bo‘yicha maslahatchisi Jesus Dureza tarqatgan bayonotda aytilishicha, qaror 21-avgustdan kuchga kiradi.
Ta’kidlanishicha, “o‘t ochishning to‘xtatilishi 22-avgust kuni Osloda tomonlar o‘rtasidagi tinchlik muzokaralari qayta boshlanishiga bag‘ishlangan”.
So‘l radikal oqimidagi kuchlarni, jumladan, taqiqlangan Filippin kompartiyasi va uning nazorati ostidagi “Yangi xalq armiyasi” isyonchi qurolli guruhini birlashtiruvchi Filippin milliy demokratik fronti 1960-yillar oxiridan buyon Filippin hukumatidan kommunistik mafkuraga ega mustaqil davlat tuzish huquqini qo‘lga kiritishga urinmoqda.
Batafsil | Подробно | Read more... Daryo