Germaniyada 70 nafar saratonga chalingan bemor olamdan o‘tgan kasalxona ishi yuzasidan tergov olib borilmoqda

Germaniyada 70 nafar saraton kasalligiga chalingan bemor olamdan o‘tgan soxta tabib kasalxonasi ishi yuzasidan tergov olib borilmoqda. Bir kurs muolajalari 10 ming yevro turgan mazkur tibbiyot markazida Germaniya, Belgiya va Niderlandiyadan kelgan mijozlar davolangan, deya xabar beradi “Korrespondent.net”.

Foto: Reuters

Kasalxonada insonga ta’siri yaxshi o‘rganilmagan dori-darmonlardan foydalanilgan, ularning saraton kasalligiga qarshi kurashdagi samarasi, qoldirishi mumkin bo‘lgan asoratlari aniqlanmagan. Dori-darmonlarni qo‘llash uchun ruxsat berilmagan, biroq rasmiylar tomonidan qonunchilik asosida man ham etilmagan.
Mijozlarning halok bo‘lish sabablari hozircha aniqlanmadi. O‘lim holatlari saraton xastaligi yoki dorilarni noo‘rin qo‘llanishi tufayli yuz bergan bo‘lishi mumkinligi taxmin qilinmoqda. Ayrim bemorlar kurslarni o‘tagandan so‘ng og‘ir kasalliklarga duch kelgan.
Tergovchilar vaziyatga oydinlik kiritish uchun marhumlardan bir nechasi jasadini eksgumatsiya qilish va ularning o‘limi sabablarini o‘rganishni rejalashtirmoqda.
Batafsil | Подробно | Read more... Daryo