Isroil Turkiyadagi teraktdan so‘ng terrorizmga qarshi qat’iyroq kurashishga chaqirdi

Isroil xalqaro jamoatchilikni Turkiya janubidagi Gaziantep shahrida sodir etilgan teraktdan keyin terrorizmga qarshi kurashda qat’iy harakat qilishga chaqirdi, deb yozadi “TASS”.

Foto: Sputnik

“Terror ustidan g‘alaba qozonish uchun xalqaro hamjamiyat birlashishi va qat’iy tarzda bor kuchi bilan harakat qilishi kerak”, — deyiladi Isroil bosh vaziri Binyamin Netanyaxu kanselyariyasi tarqatgan bayonotda.
Hujjatda aytilishicha, Isroil Gaziantepda o‘ldirilganlarning oilalariga hamdardlik bildiradi va yaradorlarga tezroq sog‘ayib ketishni tilaydi.
Turkiyaning Gaziantep shahridagi terakt 21-avgust kuni yuz berdi . Xudkush terrorchi to‘yda raqsga tushayotgan olomon ichiga kirib, portlovchi qurilmani harakatga keltirdi. Natijada 50 ga yaqin kishi halok bo‘ldi, 90 dan ziyod kishi jabrlandi.
Batafsil | Подробно | Read more... Daryo