Foto: AQShlik ko‘cha rassomi Leonardo Di Kaprio va Hillari Klintonni “pul yuvish mashinasi”ga soldi

Kaliforniyalik ko‘cha rassomi Sabo aktyor Leonardo Di Kaprio va AQSh prezidentligiga nomzod Hillari Klintonni pul mablag‘larini yuvishda aybladi, deb yozadi TJournal.

Foto: TJournal

Rassom Sabo istehzoli yasama reklamalar yaratish orqali tanilgan, o‘zining Los-Anjeles ko‘chalariga osib chiqilgan yangi posterlarini u Leonardo Di Kaprio va Hillari Klintonning xayriya fondlariga bag‘ishladi.
Avgust o‘rtalarida Di Kaprioning xayriya fondi Malayziyaning yirik korrupsiya shov-shuvi markazida qolgan uch milliardlik 1MDB fondidan mablag‘lar qabul qilgani ma’lum bo‘ldi. Shuningdek, OAVlar yozishicha, u yirik firibgar, broker Dana Jaketto bilan do‘stlashgan (u iyulda vafot etdi).

Foto: TJournal

The Clinton Foundation fondini esa rassom Sabo xorijliklardan yirik pul mablag‘larini olganlikda aybladi, uning eri Bill Klinton, agar xotini AQSh prezidenti lavozimiga saylansa, ulardan voz kechishga va’da bergan.
23-avgust kuni Di Kaprioning uyida Klintonni qo‘llab-quvvatlash uchun mablag‘ to‘plash bo‘yicha ziyofat o‘tkazilishi kerak edi, ammo tadbir so‘nggi daqiqada bekor qilindi.
Sabo’ning so‘zlariga ko‘ra, u posterlarni Di Kaprioning uyi yoniga ilmoqchi bo‘lgan, biroq unga soqchilar xalal bergan.
Batafsil | Подробно | Read more... Daryo