Fransiyaliklar Sarkozi yana prezident lavozimini egallashini istamaydi

Fransuzlarning aksariyati “Respublikachilar” partiyasi yetakchisi Nikolya Sarkozi yana davlat rahbari lavozimini egallashini istamaydi, deya xabar bermoqda “Interfaks” “BFM-TV” telekanali uchun o‘tkazilgan so‘rov natijalariga tayanib.

Foto: Reuters

Ishtirokchilarning 79 foizi bunday istiqbol ularni xursand qilmasligini aytdi. Qolganlar Sarkozining yangi prezidentligiga u yoki bu darajada ijobiy qaraydi.
Respondentlarning ko‘pchiligi siyosatchi muhim xislatlarga ega ekanligini tan oladi. Masalan, ularning 68 foizi uni g‘ayratli yetakchi deb atadi. Ammo shunga qaramay, fransuzlar u mamlakatni rivojlantirish uchun yangi takliflar kiritmaydi va aholini jipslashtira olmaydi deb hisoblaydi. Bundan tashqari, Fransiya aholisining ko‘pchiligi Sarkozini noinsof odam deb biladi.
Eslatib o‘tamiz, Fransiyaning sobiq prezidenti Nikolya Sarkozi 2017-yilgi saylovlarga yana o‘z nomzodini qo‘yishi haqidagi bayonotni “Hamma narsa Fransiya uchun” nomli kitobining chiqishi munosabati bilan tarqatdi .
Batafsil | Подробно | Read more... Daryo