Fotogalereya: Dunyoning turli mamlakatlarida Rio–2016 olimpiyachilari qanday kutib olindi?

Braziliyaning Rio-de-Janeyro shahrida 5–21-avgust kunlari bo‘lib o‘tgan XXXI yozgi Olimpiya o‘yinlarida ishtirok etgan o‘zbekistonlik sportchilar kecha, 23-avgust kuni Toshkent shahriga yetib keldi. Toshkent xalqaro aeroportida ushbu nufuzli musobaqa g‘oliblari, sovrindorlari va ishtirokchilari tantanali kutib olindi .
“Daryo” dunyoning turli mamlakatlarida olimpiyachilar qanday kutib olganligi bilan qiziqdi va maxsus fotogalereya tayyorladi.
O‘zbekiston
Sportchilar soni: 70 ta
Medallar soni: 13 ta (4 ta oltin – 2 ta kumush – 7 ta bronza)
Medallar reytingidagi o‘rni: 21
O‘zbekiston olimpiya terma jamoasi Rio–2016 Olimpiadasida jami 13 ta medalni qo‘lga kiritib, tarixda ilk marta dunyoda 21, Osiyoda 4, MDHda 2, Markaziy Osiyoda 1-o‘rinni egalladi . Qayd etish joiz, O‘zbekiston boks terma jamoasi Rio—2016 Olimpiadasida tarixda birinchi bor 1-o‘rinni qo‘lga kiritdi .

Foto: O‘zA


Foto: O‘zA

AQSh
Sportchilar soni: 555
Medallar soni: 121 ta (46–37–38)
Medallar reytingidagi o‘rni: 1
Eng ko‘p sportchi bilan Rio–2016 Olimpiadasida ishtirok etgan AQSh terma jamoasi a’zolari o‘z sport turidagi bahslari yakuniga yetgach mamlakatga qaytgan. Jumladan, boks bo‘yicha -49 kilogramm vazn toifasida yarim finalda o‘zbekistonlik Hasanboy Do‘stmatovdan yengilgan va bronza medaliga sazovor bo‘lgan Niko Ernandes Wichita Dwight Eisenhower xalqaro aeroportida kutib olindi. Shuningdek, AQSh gimnastika ayollar terma jamoasi mamlakatga yetib kelgach, Jimmi Fellonning tungi shousiga taklif etildi.

Foto: Getty


Foto: Getty

Buyuk Britaniya
Sportchilar soni: 372
Medallar soni: 67 ta (27–23–17)
Medallar reytingidagi o‘rni: 2
Buyuk Britaniya Rio–2016 Olimpiya o‘yinlarida ko‘pchilik muxlis va mutaxassislarni hayratlantirdi. AQSh terma jamoasidan keyin britaniyaliklar medallar reytingida ikkinchi o‘rinni egalladi. Bu yilgi Olimpiada sovrindorlari Xitrou aeroportida, asosan jurnalistlar tomonidan kutib olindi.

Foto: Getty


Foto: Getty

Xitoy
Sportchilar soni: 416
Medallar soni: 70 ta (26–18–26)
Medallar reytingidagi o‘rni: 3
Rio–2016 Olimpiadasi xitoyliklar uchun kutilganidek o‘tmadi. Medallar reytingida 3-o‘rinni egallagan Xitoy terma jamoasi a’zolari Rioda bir necha bor muammolarga duch keldi. Mukofotlash marosimlarining bir nechtasida xitoylik sportchilar sharafiga noto‘g‘ri bayroqlar ko‘tarilgan edi , ularda kichik yulduzlar yarim doira shaklida emas, parallel tarzda joylashgan edi. Xitoylik sportchilar yuqori dabdaba bilan kutib olinmagan bo‘lsa-da, Shanxaydagi binolardan birida ular sharafiga “Xitoy” deya yozuv yozildi.

Foto: Getty


Foto: Getty

Rossiya
Sportchilar soni: 279
Medallar soni: 56 ta (19–18–19)
Medallar reytingidagi o‘rni: 4
Rossiya og‘ir atletika va yengil atletika federatsiyalari Rio–2016 Olimpiadasidan chetlashtirilgan bo‘lishiga qaramay, Rossiya olimpiya termasi 279 sportchi bilan ishtirok etdi va jami 56 ta medalga sazovor bo‘ldi.

Foto: “TASS”


Foto: “TASS”

Germaniya
Sportchilar soni: 425
Medallar soni: 42 ta (17–10–15)
Medallar reytingidagi o‘rni: 5
Germaniya terma jamoasi so‘nggi 20 yil ichida Olimpiada o‘yinlarida eng yaxshi natijasini qayd etdi. Sportchilarni mamlakat prezidenti Yoaxim Gauk hamda ichki ishlar vaziri Tomas de Mezyer kutib oldi.

Foto: Getty


Foto: Getty

Yaponiya
Sportchilar soni: 336
Medallar soni: 41 ta (12–6–21)
Medallar reytingidagi o‘rni: 6
Yaponiya olimpiya termasini kutib olish marosimida asosiy e’tibor Rio–2016 dan qabul qilib olingan Olimpiada bayrog‘iga qaratildi. Tokio 2020-yilda bo‘lib o‘tadigan Olimpiya o‘yinlariga mezbonlik qiladi.

Foto: Getty


Foto: Getty

Fransiya
Sportchilar soni: 397
Medallar soni: 42 ta (10–18–14)
Medallar reytingidagi o‘rni: 7
Fransiya terma jamoasi a’zolari Yelisey saroyida kutib olindi. Dzyudo bo‘yicha ikki karra Olimpiada (London–2012 va Rio–2016) chempioni Teddi Riner mamlakat bayrog‘ini paralimpiyachi Mikael Jeremiasga topshirdi. Katta ehtimol bilan aynan fransiyalik tennischi Paralimpiya o‘yinlarining ochilish marosimida Fransiya bayrog‘ini ko‘taradi.

Foto: Getty


Foto: Getty

Janubiy Koreya
Sportchilar soni: 203
Medallar soni: 21 ta (9–3–9)
Medallar reytingidagi o‘rni: 8
Janubiy Koreya Rio–2016 dagi Olimpiada natijalariga ko‘ra medallar reytingida Osiyoda Yaponiyadan keyin ikkinchi o‘rinni egalladi.

Foto: Getty


Foto: Getty

Kanada
Sportchilar soni: 312
Medallar soni: 22 ta (4–3–15)
Medallar reytingidagi o‘rni: 20
Shimoliy Amerika qit’asi vakili Kanadani kutib olish marosimi oddiygina o‘tdi.

Foto: Getty

Qozog‘iston
Sportchilar soni: 104
Medallar soni: 17 ta (3–5–9)
Medallar reytingidagi o‘rni: 22
Qozog‘iston terma jamoasini kutib olish marosimida Rio–2016 Olimpiadasi boks musobaqalarining -69 kilogramm vazn toifasida chempion bo‘lgan Daniyar Yeleusinovga ayniqsa katta e’tibor qaratildi. Aynan Yeleusinov final bahsida o‘zbekistonlik Shahram G‘iyosovni mag‘lubiyatga uchratgandi.

Qozog‘iston matbuoti: O‘zbekiston so‘nggi pallada mamlakatimizdan o‘zib ketdi


Foto: “BNews.kz”


Foto: “BNews.kz”

Kolumbiya
Sportchilar soni: 144
Medallar soni: 8 ta (3–2–3)
Medallar reytingidagi o‘rni: 23
144 nafar sportchi bilan Rioga tashrif buyurgan Kolumbiya terma jamoasi jami 8 ta medal to‘pladi va medallar reytingida 23-pog‘onadan joy oldi. Kolumbiyaliklarning muvaffaqiyati mamlakatda katta bayram sifatida qarshi olindi.

Foto: Getty


Foto: Getty

Venesuela
Sportchilar soni: 86
Medallar soni: 3 ta (0–1–2)
Medallar reytingidagi o‘rni: 65
Venesuela olimpiya terma jamoasi a’zolari mamlakat prezidenti Nikolas Maduro tomonidan kutib olindi. Rio–2016 Olimpiadasining boks bo‘yicha -52 kilogramm vazn toifasida bronza medaliga sazovor bo‘lgan Yoel Rivas o‘z yutug‘ini prezidentga hadya qildi. Qayd etish joiz, yarim finalda venesuelalik bokschi keyinchalik Olimpiada chempioniga aylangan o‘zbekistonlik Shahobiddin Zoirovga imkoniyatni boy bergandi .

Foto: Getty


Foto: Getty

Singapur
Sportchilar soni: 25
Medallar soni: 1 ta (1–0–0)
Medallar reytingidagi o‘rni: 54
25 nafar sportchi bilan Rio–2016 da ishtirok etgan Singapur terma jamoasiga yagona – oltin medalni suzuvchi Josef Skuling taqdim qildi. Bu Singapur tarixidagi ilk oltin medal edi. Skuling 100 metr masofaga batterflyay usulida suzishda o‘z kumiri hisoblangan amerikalik suzuvchi, 23 karra Olimpiada chempioni Maykl Felpsni ortda qoldirib, Rio–2016 da oltin medallari sonini 6 taga yetkazish imkoniyatidan mahrum qilgandi . Singapurda suzuvchi katta tantana bilan kutib olindi .

Foto: Getty


Foto: Getty

Fiji
Sportchilar soni: 51
Medallar soni: 1 ta (1–0–0)
Medallar reytingidagi o‘rni:  54
Regbi-7 bo‘yicha Fiji erkaklar terma jamoasi Rio–2016 Olimpiada o‘yinlarida oltin medalni  qo‘lga kiritdi . Bu Fiji tarixidagi ilk oltin medal bo‘lgani sababli regbi termasi finalda g‘alaba qozongan kun davlat bayrami sifatida nishonlanadigan bo‘ldi . Mamlakat qahramonlari katta stadionda kutib olindi.

Foto: Getty


Foto: Getty

Hindiston
Sportchilar soni: 124
Medallar soni: 2 ta (0–1–1)
Medallar reytingidagi o‘rni: 67
Hindiston olimpiya termasi Rio–2016 da bitta kumush va bitta bronza medalini taqdim qildi. Bu ular uchun katta bayramga aylandi.

Foto: Getty


Foto: Getty

Qirg‘iziston
Sportchilar soni:  18
Medallar soni: yo‘q
69 kilogramm vazn toifasida chiqish qilib, bronza medalini qo‘lga kiritgan qirg‘izistonlik og‘ir atletikachi Izzat Ortiqov o‘z vatanida katta tantanalar bilan kutib olingan edi. Ammo sportchining doping namunasidan taqiqlangan strixnin moddasi topilgach, Qirg‘iziston Riodagi yagona medalini mahrum qilindi .

Foto: “Vb.kg”


Foto: “Vb.kg”


Batafsil | Подробно | Read more... Daryo