Tailandda janubdagi portlashlar tufayli ayirmachilar bilan muzokaralar to‘xtatildi

Tailand janubida harakat qilayotgan ayirmachilar bilan muzokaralar mintaqada tinchlik o‘rnatilmaguncha tiklanmaydi. Bu haqda mamlakat bosh vazirining o‘rinbosari va mudofaa vaziri Pravit Vongsuvan ma’lum qildi, deya xabar beradi “TASS”. 

Foto: EPA

“Oldin tinchlik o‘rnatilishi kerak, keyin bu haqda gapirish mumkin. Janubdagi yangi portlashlar turkumidan so‘ng mintaqada tinchlik va tartib joriy bo‘lishini kuzatadigan maxsus qo‘mondonlik markazi tashkil etiladi”, — deya ta’kidlagan Vongsuvan.
Oldinroq “MARA-Patani” ayirmachilik guruhi vakillari bilan muzokaralar jarayoni boshlanishi, uchrashuv 2-sentabrda Malayziya rasmiylari vositachiligida o‘tkazilishi bildirilgandi.
Eslatib o‘tamiz, Tailandning yirik kurort markazlarida 11—12-avgust kunlari 13 ta portlash ro‘y berdi. Buning oqibatida 4 kishi halok bo‘ldi, 35 kishi jarohatlandi. Jabrlanganlar orasida Yevropa davlatlaridan kelgan 10 nafar sayyoh ham bor.
Batafsil | Подробно | Read more... Daryo