Turkiya A321 halokatidan keyin birinchi bo‘lib Sharm-ash-Shayxga parvozlarni qayta tiklaydi

Kelasi oy Turkish Airlines aviakompaniyasi Rossiya samolyoti bortidagi teraktdan so‘ng to‘xtatib qo‘yilgan Sharm-ash-Shayxga parvozlarni qayta boshlaydi, deya xabar bermoqda “RBK” Turkiyaning Qohiradagi elchixonasiga tayanib.

Foto: “Delfi.lv”

Elchixona bayonotida aytilishicha, Turkish Airlines ushbu yo‘nalish bo‘yicha parvozlarni qayta tiklaydigan birinchi aviakompaniya bo‘ladi. Aniqlik kiritilishicha, Turkiya aviatashuvchisi haftasiga to‘rtta reysni amalga oshiradi.
Eslatib o‘tamiz, 2015-yilning 31-oktabr kuni Rossiyaning “Kogalimavia” kompaniyasiga tegishli Airbus A321 samolyoti Sinayda quladi. Bortda bo‘lgan 217 yo‘lovchi va ekipajning yetti nafar a’zosi  halok bo‘ldi . Misr prezidenti fevral oyida A321 layneri halokatiga terakt sababchi bo‘lganligini birinchi marta  tan oldi .
Batafsil | Подробно | Read more... Daryo