OAV faqat Xitoyga tegishli yarmi qurib bitkazilgan Rossiya-Xitoy ko‘prigiga e’tibor qaratdi

24-avgust kuni OAVlarda Blagoveshchensk shahrida Rossiya haligacha xitoylik sheriklari bilan birga qurmoqchi bo‘lgan, Amur daryosidan o‘tgan temir yo‘l ko‘prigining o‘ziga tegishli yarmini qurib bitirmagani haqida ma’lumot paydo bo‘ldi, deb yozadi TJournal. Xitoy esa ko‘prikning o‘ziga tegishli qismini bitirib bo‘lgan.

Foto: TJournal

Amur daryosini kesib o‘tuvchi chala qurilgan ko‘prik haqiqatda mavjud, ammo u Blagoveshchensk emas, Yahudiylar muxtor viloyatidagi Nijneleninskoye qishlog‘ida joylashgan.
2014-yil avgustida Rossiya va Xitoy o‘rtasida Amur daryosini kesib o‘tuvchi ko‘prik qurilishi haqida bitim imzolangan edi. Oxir-oqibat, Xitoy tomoni ko‘prikning o‘ziga tegishli yarmini qurib bitirdi, u 1755 metr uzunlikda bo‘lib, 17 ta ustunga tayangan.
OAVlar ma’lumotlariga ko‘ra, Rossiya ko‘prikning o‘ziga tegishli qismini qurishga hamon kirishgani yo‘q, 2016-yil martidagina u pudratchi qidirishni boshladi.
Rossiya prezidentining Uzoq Sharqdagi siyosiy vakili Yuriy Trutnev ko‘prik qurilishidagi uzilishlarga xitoylik sheriklar sababchi ekanligi, ular dastlab loyihani to‘liq o‘zlari amalga oshirishga rozi bo‘lib, so‘ng qandaydir sababga ko‘ra undan voz kechganini ma’lum qildi.
Shunga qaramay, Rossiya korporatsiyalari ko‘prik qurilishi yaqin vaqtlar ichida yakunlanishiga umid bildirmoqda.
Batafsil | Подробно | Read more... Daryo