Alisher Usmonovga tegishli “Metalloinvest”ning daromadi birinchi yarim yillikda 17,2 foizga tushib ketdi

Rossiyalik milliarder Alisher Usmonovga tegishli “Metalloinvest” kompaniyasining sof daromadi moliyaviy hisobotning xalqaro standartlari bo‘yicha joriy yilning birinchi yarim yilligidan zarar bilan chiqdi — ko‘rsatkichlar o‘tgan yil shu davriga nisbatan 17,2 foizga kamroq bo‘lib, 428 million dollarni tashkil qildi. Bu haqda, kompaniya xabarnomasiga asoslanib, “TASS” xabar bermoqda .

Foto: The Times

Hisobot davrida kompaniya tushumi 20,8 foizga qisqarib, 1,931 milliard dollarga teng bo‘ldi. EBITDA ko‘rsatkichi 38,9 foizga qisqarib, 533 million dollarni tashkil etdi, ko‘rsatkich rentabelligi esa 27,6 foizga teng bo‘ldi (o‘tgan yilning shu davrida — 35,8 foiz).
Kompaniyaning sof qarzi o‘zgarishlarsiz — 3,581 milliard dollar miqdorida qoldi. “Sof foyda/EBITDA” mutanosibligi esa 3,28 ga yetdi. 2015-yil 31-dekabrida bu ko‘rsatkich 2,49 ga teng bo‘lgan edi.
Kompaniya xabarnomasida moliyaviy natijalarga temir rudasi xom ashyosi va po‘latga bo‘lgan talabning tushib ketishi sabab bo‘lgani aytilmoqda. 2016-yilning birinchi yarmida temir rudasining jahon miqyosidagi narxi tonnasiga 52 dollarni tashkil qildi, o‘tgan yilgi ko‘rsatkich esa tonnasiga 60 dollarga teng edi. Kompaniya temir rudasini qayta ishlab, undan yuqori qo‘shilgan qiymatga ega mahsulotlar tayyorlash yo‘lga qo‘yilsa, shuningdek, bozordagi narxlar barqarorlashib borsa, yilning ikkinchi yarmi moliyaviy ko‘rsatkichlari yaxshilanishi kutmoqda.
Batafsil | Подробно | Read more... Daryo