Papa Fransisk zilzila hududiga vatikanlik o‘t o‘chiruvchilar va jandarmlarni yubordi

Vatikanning olti nafar o‘t o‘chiruvchisi va olti jandarmi 24-avgust kuni Italiya markazida yuz bergan zilzila oqibatlarini bartaraf etishda qatnashmoqda, deb yozadi “TASS” Vatikan radiosiga tayanib. Ushbu xizmatlar xodimlari papa Fransisk buyrug‘iga binoan yuborilgan.

Foto: “TASS”

Radio efirida Vatikan yong‘in xizmati koordinatori aniqlik kiritishicha, uning xodimlari italiyalik hamkasblari bilan birga ishlab, Riyetidagi qutqaruv-qidiruv operatsiyasi qo‘mondonlik markaziga bo‘ysunmoqda.
U vatikanlik o‘t o‘chiruvchilar 2009-yilda Abrutssoda sodir bo‘lgan zilziladan so‘ng ham Italiyaga ko‘mak berganini eslatdi.
Zilzila Italiya markazida mahalliy vaqt bilan 03:36 da (Toshkent vaqti bilan 06:36 da)  sodir bo‘ldi . 6,0 magnitudali yer silkinishi epitsentri Riyeti provinsiyasida 4 km chuqurlikda joylashgan edi.
24–25-avgust kunlari Italiyada mamlakat markazida ro‘y bergan zilzila qurbonlari xotirasiga milliy motam  e’lon qilindi .
Batafsil | Подробно | Read more... Daryo