Xose Mariya Mendes: Jamoliddin Sharipovni tarkibdan chiqarish oson bo‘lmadi, u meni to‘yiga taklif etgandi

O‘zbekiston futzal terma jamoasining ispaniyalik bosh murabbiyi Xose Mariya Mendes JCh—2016 safari oldidan sport jurnalistlari bilan uchrashib, ularni qiziqtirgan savollarga javob qaytardi, deb yozdi “Championat.asia”.

Foto: CA

Bunga qadar Mendes Osiyo Chempionatida O‘zbekiston sharafini himoya qilgan tarkib bilan JChdagisida 3 ta o‘zgarish borligini aytib o‘tgandi. Matbuot anjumanida u jurnalist tomonidan imkoniyatingiz kengroq bo‘lganida tarkibga Shlyoma va Sharipovdan tashqari yana kimni olardingiz deya berilgan savolga baribir “Sharipovni” deb javob berdi va kulib qo‘ydi.
“2012-yil O‘zbekistonga kelganimda Jamoliddin Sharipov tarkibda bor edi. Uni anchadan buyon bilaman. Shuning uchun tarkibdan chiqarib tashlash oson bo‘lmadi. U meni to‘yiga ham taklif qilgandi. Bizning ishimiz yengil emas”, — deb javob berdi Mendes kulimsirab.
O‘z tarixida ilk bor Jahon Chempionatida ishtirok etayotgan O‘zbekiston terma jamoasi murabbiyi sifatida u shunday fikrlar bildirdi: — “Jamoa jiddiy raqiblarga qarshi o‘rtoqlik o‘yinlarida o‘zini ko‘rsata oldi. Qozog‘iston dunyoning uchinchi futzal jamoasi hisoblanadi. Ozarbayjon ham top sakkiztalikka kiradigan jamoa. Kolumbiyada mundialga bejiz chiqmaganligimizni isbotlaymiz”.
Batafsil | Подробно | Read more... Daryo