Rossiya Janubiy harbiy okrugida “Iskandar” majmuasi harbiy o‘quv mashg‘ulotlariga chiqdi

“Iskandar-M” tezkor-taktik majmuasi va “Grad”, “Tornado-G” va “Uragan” baravar o‘t ochish reaktiv tizimlarining jangovar guruhlari Rossiyada o‘tkazilayotgan o‘quv mashg‘ulotlariga jalb etildi. Bu haqda Janubiy harbiy okrug shtabi ma’lum qildi, deya xabar bermoqda “Interfaks”.

Foto: “Kapital strani”

Harbiy o‘quv mashg‘ulotlari Shimoliy Kavkaz hududida bo‘lib o‘tmoqda.
58-armiya artilleriya mashg‘ulotlariga 5 mingga yaqin harbiy xizmatchi va 500 dan ortiq raketa-artilleriya qurol-yarog‘ vositalari jalb etilgan.
Mashg‘ulotlarda Shimoliy Kavkazda joylashgan 58-armiya artilleriyasi va raketa qo‘shinlari bo‘linmalari qatnashmoqda. Ular, jumladan, eng yangi ko‘chma radiolokatsiya razvedka majmualari va “Aistenok” o‘q uzish nazoratini o‘zlashtirishi kerak bo‘ladi.
Eslatib o‘tamiz, 25-avgust kuni Rossiya prezidenti Vladimir Putin uchta harbiy okrugda to‘satdan tekshirish o‘tkazishga topshiriq bergandi .
Batafsil | Подробно | Read more... Daryo