Kerri va Lavrov Jenevadagi muzokaralarda Suriyadagi vaziyatni muhokama qilmoqda

AQSh Davlat kotibi Jon Kerri va Rossiya tashqi ishlar vaziri Sergey Lavrov 29-avgust, juma kuni Jenevadagi “Prezident Uilson” mehmonxonasida ikki tomonlama muzokaralarni boshladi. Bu haqda “TASS” xabar bermoqda . 

Foto: “TASS”

Muzokaralarning bosh mavzusi — AQSh va Rossiyaning Suriyada terrorchilarga qarshi kurashini muvofiqlashtish. Uchrashuvda mazkur yo‘nalishda hujjat imzolanishiga erishilishi hozircha noma’lum, biroq maslahatlashuvlar arafasida ikki davlat diplomatlari va harbiylari faol ish olib borgani ta’kidlanmoqda. 
Kun tartibidagi Suriya mavzusi Aleppo atrofidagi gumanitar vaziyat, o‘t ochishni to‘xtatish tartibi va siyosiy jarayonni yo‘lga qo‘yishni qo‘llab-quvvatlashni ham o‘z ichiga oladi. Turkiyaning Suriya bilan chegaradagi operatsiyasi muhokama etilishi ehtimoldan xoli emas. 
Vazirlar Ukrainadagi vaziyat va ikki tomonlama munosabatlar kun tartibidagi masalalarni ham ko‘rib chiqishi ko‘zda tutilgan. 
Batafsil | Подробно | Read more... Daryo