Abdulaziz Kamilov O‘zbekistonda diplomatik missiyasini yakunlayotgan Yevropa Ittifoqi delegatsiyasi rahbari Yuriy Shterkni qabul qildi

26-avgust, juma kuni O‘zbekiston Respublikasi tashqi ishlar vaziri Abdulaziz Kamilov mamlakatda diplomatik missiyasini yakunlayotgani munosabati bilan Yevropa Ittifoqi delegatsiyasi rahbari, elchi Yuriy Shterkni qabul qildi. Bu haqda TIV matbuot xizmati xabar bermoqda . 

Foto: TIV matbuot xizmati

Suhbat chog‘ida ikki tomon o‘rtasidagi hamkorlikni “O‘zbekiston—Yevropa Ittifoqi” shaklida va “Yevroittifoqning Markaziy Osiyo bilan yangi sheriklik strategiyasi” doirasida rivojlantirishga qaratilgan ustuvor yo‘nalishlar yuzasidan fikr almashildi.
Uchrashuvda elchi faoliyatining sermahsul bo‘lganligi qayd etildi hamda uning O‘zbekiston va Yevropa Ittifoqi o‘rtasidagi o‘zaro manfaatli munosabatlarni mustahkamlashdagi xizmatlari yuqori baholandi.
O‘z navbatida, Yuriy Shterk O‘zbekistondagi missiyasi muvaffaqiyatli amalga oshirilishiga yaratilgan qulay sharoitlar uchun minnatdorlik bildirdi.
Batafsil | Подробно | Read more... Daryo