Moskvaning Altufyevsk shossesidagi bosmaxona omborida chiqqan yong‘inda 17 kishi halok bo‘ldi

Moskvaning Altufyevsk shossesida joylashgan “Pechatniy ekspress” MChJ bosmaxonasiga qarashli omborda 27-avgust, shanba kuni ertalab ro‘y bergan yong‘in oqibatida 17 kishi halok bo‘ldi. Barcha jabrlanganlar jonlantirish bo‘limlariga joylashtirilgan, ulardan biri o‘sha yerda vafot etdi. Bu haqda “Vesti.ru” xabar bermoqda . 

Foto: “Vesti.ru”

Hodisa yuzasidan jinoiy ish ochildi. Tergov yong‘inning bir necha sabablari, jumladan, maishiy, texnik va boshqa omillarni ko‘rib chiqmoqda. Qasddan o‘t qo‘yilganligi ham ehtimoldan xoli emas. 
Halok bo‘lganlarning barchasi MDH davlatlaridan kelganlar bo‘lishi mumkinligi bildirilmoqda. Tasdiqlanmagan ma’lumotlarga ko‘ra, ulardan ikki nafari O‘zbekiston, sakkiz nafari Qirg‘iziston fuqarosidir. 
100 kvadrat metr maydonni qamrab olgan va o‘t o‘chiruvchilar to‘rt soat davomida bartaraf etishga uringan yong‘inda 12 kishi omon qolgani aytilmoqda. 
Batafsil | Подробно | Read more... Daryo