Yevro—2016 chorak finalidagi noaniq penaltisi bilan Italiyani qoldirib yuborgan Dzaza “Vest Hem” a’zosiga aylandi

Turinning “Yuventus” klubi hujumchisi Simone Dzaza faoliyatini London “Vest Hem”ida ijara asosida davom ettiradi, deb xabar berdi “Chempionat”.

Foto: Eurosport.ru

Londonliklar hujumchining ijarasi uchun 5 million yevro sarf etdi. Dzaza “Vest Hem” safida kelishilgan miqdordagi o‘yinda maydonga tushishga muvaffaq bo‘lsa, klub ni 20 million yevroga to‘liq sotib olish huquqini qo‘lga kiritadi. “Yuventus” buning ortidan qo‘shimcha 3 million bonus ham ishlashi mumkin.
Bir yil muqaddam Simone “Sassuolo”dan Turinga 18 million yevro evaziga ko‘chib o‘tib, mavsum davomida 19 uchrashuvda 5 ta gol urgandi. “Yuventus” Gonsalo Iguain bilan shartnoma imzolagach, Yevro—2016 chorak finalida Germaniya darvozasini penaltilar seriyasida ishg‘ol qila olmagan hujumchini ortiq ushlab turmadi.
Batafsil | Подробно | Read more... Daryo