Oyatulloh Xomanaiy AQShni Eronga C-300 zenit-raketa majmuasini olishda xalal berishda aybladi

AQSh Eron C-300 zenit-raketa majmuasiga ega bo‘lmasligi uchun barcha imkoniyatlarini ishga soldi. Bu haqda Eron Islom Respublikasi rahbari va diniy rahnamosi, Eron qurolli kuchlari bosh qo‘mondoni oyatulloh Ali Xomanaiy “Hotam al-Anbiya” raketaga qarshi mudofaa bazasi qo‘mondonligi bilan uchrashuv chog‘ida ma’lum qildi, deb yozadi “TASS”.

Foto: AP

“C-300 raketaga qarshi mudofaa tizimlari hujumkor emas, balki mudofaa qurolidir. Biz shunday dushmanga yo‘liqqanmizki, u bizga hatto mudofaa huquqini ham bermaydi. Biz ushbu dushman Islom Respublikasiga qarshi tajovuzni xayoliga ham keltirmasligi uchun o‘z mudofaa salohiyatimizni kuchaytirishimiz kerak”, — dedi u.
“Eronga C-300 yetkazib berish atrofidagi shov-shuv xuddi o‘z vaqtida Eronning Fordu yadro obyekti bo‘yicha ko‘tarilgan shov-shuv kabi Eron xalqi dushmanlarining navbatdagi adovatini namoyon qildi. Ular shuni tushunib olishi kerakki, Eronga hujum qilgan taqdirda, ularga qaqshatqich javob zarbasi beriladi”, — deya ta’kidladi Xomanaiy.
Batafsil | Подробно | Read more... Daryo