Angren va Lalmikor 28-avgust kuni O‘zbekistonning eng salqin, Qo‘ng‘irot va Jongeldi eng issiq aholi yashash punktlari bo‘ldi

O‘zbekistonda 28-avgust, yakshanba kuni havo haroratining eng yuqori ko‘rsatkichi +38 darajadan oshmadi, deya xabar bermoqda “O‘zgidromet” ( pdf ).

Toshkent viloyatining Angren tumani manzaralari. Foto: “Sizangren.uz”

Xabar berishlaricha, O‘zbekiston shaharlari va qo‘rg‘onlari orasida eng yuqori harorati Qoraqalpog‘istonning Qo‘ng‘irot shahri va Buxoro viloyatining Jongeldi qo‘rg‘onida qayd etilgan — +38 daraja.
Toshkent viloyatidagi Angren shahri va Jizzax viloyatidagi Lalmikor qo‘rg‘onida esa havo harorati +32 darajadan oshmagan va shu kuni ular O‘zbekistonning eng salqin aholi yashash punktlariga aylangan.
O‘zbekiston viloyat markazlari va yirik shaharlari orasida eng salqin havo Samarqand va Namangan shaharlarida (+34 daraja), eng yuqori harorat esa Qarshi va Termiz shaharlarida (+37) qayd etilgan.
Shu kuni Urganch, Buxoro, Navoiy, Andijon shaharlarida havo haroratining eng yuqori ko‘rsatkichi +35 darajani, Toshkent, Nukus, Jizzax, Guliston, Farg‘ona shaharlarida esa +36 darajani tashkil etgan.
O‘zbekistonning tog‘li hududlarida an’anaviy salqin iqlim sharoiti saqlanib qolgan — Qamchiq dovonida havo harorati +23 darajadan, Chimyonda esa +25 darajadan oshmagan.

Skrinshot: “O‘zgidromet”

Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo